لاچین تعلیملری خانکندیده تشویشه یول آچدی: باکی و آنکارا هانسی مساژلاری وئردی؟
لاچین تعلیملری خانکندیده تشویشه یول آچدی:
باکی و آنکارا هانسی مساژلاری وئردی؟
آذربایجان و تورکیه حربچیلرینین لاچین رایونوندا بیرگه دؤیوش آتیشلی تاکتیکی تعلیملره باشلاماسی قاراباغ بؤلوجولری آراسیندا تشویش یارادیب.
خانکندینده کی غئیری-قانونی قوروم بونو رسماً بیان ائدیب.
قوندارما " دقر " " پرزیندنتی "نین مطبوعات کاتیبی لوسین آوانسیانین ائرمنی مدیاسینا وئردیگی آچیقلامایا گؤره، لاچین تعلیمی خبری خانکندینده جیدی تهدید کیمی قبول اولونوب و بؤلوجولر آذربایجان و تورکیهنین حرکتلرینی دیقتله ایزلهییرلر: " بیز بونا یئنی چاغیریش کیمی باخیر و یئنی رئاللیقلاری سییاستیمیزی قورارکن نظره آلیریق " ، - آوانسیان بئله دئییب.
قئید ائدک کی، آذربایجان مودافیعه ناظیرلیگینین بو گون یایدیغی معلوماتا گؤره، لاچین تعلیملری ایکی قارداش اؤلکه آراسیندا باغلانمیش حربی امکداشلیق حاقیندا سازیشه اساساً کئچیریلیر.
" تعلیمده اساس مقصد دؤیوش عملیاتلارینین آپاریلماسی زامانی قارشیلیقلی فعالیتین و دؤیوش اوزلاشماسینین تکمیللشدیریلمهسینه، او جوملهدن کوماندیرلرین حربی قرار قبولائتمه و بؤلمهلری ایدارهائتمه باجاریقلارینین اینکیشاف ائتدیریلمهسینه یؤنلدیلیب.
تعلیمده موعاصیر دؤیوش تکنیکی و دیگر حربی واسیطهلرین چتین رِلیئف شراییطینده ایستیفاده ائتمه وردیشلرینین آرتیریلماسینا خوصوصی دیقت یئتیریلیب " ، - آذربایجان مودافیعه ناظیرلیگینین رسمی آچیقلاماسیندا دئییلیر.
رسمی آچیقلامادا آذربایجان و تورکیه آراسیندا باغلانان هانسی سنه ده اساسلانیلدیغی آچیق بیان اولونماسا دا، بیر نئچه آی اول شوشادا باغلانان امکداشلیق سازیشینده حربی یاردیملاشما و بیرگه تعلیملرین کئچیریلمه سی ده نظرده توتولوردو.
تعلیمین لاچیندا کئچیریلمه سی ده تصادوفی دئییل و ائرمنی بؤلوجولرینه آچیق مساژ احتیوا ائدیر. ایکی قارداش اؤلکه بو اورتاق تعلیمله ائرمنیلره و حامیلرینه اینسانیت دویغولاریمیزدان سوء-ایستیفاده حاللارینا سونسوزا قدر لاقئید قالمایاجاغیمیزی، بئله داوام ائدرسه، هومانیتار مقصدله آچدیغیمیز لاچین دهلیزی نفسلیگینین هر آن باغلانا بیلهجگینی چاتدیرماق ایستهییب. خانکندیندن گلن ایلکین سیقناللار ائرمنی بؤلوجولرینین بو مئساژی دوزگون " اوخودوقلارینی" گؤستریر.
خاطیرلاداق کی، اؤتن ایل بؤیوک غلبه ایله نتیجهلنن 44 گونلوک موحاریبه عرفهسینده ده آذربایجانلا تورکیه آراسیندا حربی تعلیملر کئچیریلمیشدی.
قایناق: اووقات