پاشینیاندان ایران اعتیرافی: "1990-جی ایل لرده ایرانین یاردیمی اولماسایدی، مغلوب اولاردیق "
پاشینیاندان ایران اعتیرافی:
"1990-جی ایل لرده ایرانین یاردیمی اولماسایدی، مغلوب اولاردیق "
ائرمنیستانین
باش ناظیری
نیکول پاشینیان سون دؤنمده یاخین علاقهلر قوردوقلاری ایرانلا باغلی آچیقلاما وئریب.
Avropa.info خبر وئریر کی، ایران و ائرمنیستانین ایکی موتفیق اولدوغونو قئید ائدن پاشینیان، "ائرمنیستان 1990 -جی ایللرده ایرانین دستگینی
هئچ واخت اونوتمایاجاق" ، دئییب.
پاشینیان
لیتوا ائرمنی جمعیتی نین توپلانتیسینداکی چیخیشیندا "ائرمنیستان هئچ واخت ایرانا قارشی هوجومدا
و سوء -قصدده اورتاق اولمایاجاق. ایرانلا علاقهلریمیز و موتفیقلیگیمیز بیزیم اوچون
چوخ اؤنملیدیر. 1990-جی ایللرده اؤلکهمیز چوخ چتین وضعیتده ایدی و ایران بیزه کؤمک
ائتدی. اونلارین یاردیمی اولمادان بیز مغلوب اولا بیلردیک. بو یاخشیلیقلاری اونوتماق
اولماز، ایرانا مینتداریق" ، دئیه بیلدیریب.
Mepa News یازیر کی، 1990-جی ایللرین اوّللرینده داغلیق قاراباغ موحاریبهسینده
تورکیه و آذربایجان دنیزه چیخیشی اولمایان ائرمنیستانا آمبارقو تطبیق ائتدیگی اوچون
یالنیز گورجوستان ایران و ائرمنیستانین دونیایا قاپیسی اولاراق قالدی: " او واخت گورجوستاندا وطنداش موحاریبهسی
باشلادیغیندان ائرمنیستان ایران یولوندان ایستیفاده ائتمک مجبوریتینده اولدو.
آذربایجانین
ائرمنیستانی مغلوب ائدهجگی تقدیرده، تورکیه ایله بیر-بیرینه داها سیخ باغلاناجاغیندان
و تبریز مرکزلی گونئی آذربایجانی ایراندا بیرلشدیرمگی هدفله دیگیندن ناراحات اولان
تهران رهبرلیگی قاراباغ موحاریبهسینده ائرمنیلره دستک وئره رک، ائرمنیلرین آذربایجان
تورپاقلاری نین ایشغالی اوچون پلانلار حاضیرلادی " .
یازیدا
همچنین قئید اولونور کی، موحاریبه زامانی تورکیه
و آذربایجانین ائرمنیستانا آمبارقو تطبیق ائتمک تکلیفینی اوّلجه ردّ ائدن ایران سونرادان
ائرمنیستانا مالیه یاردیمی گؤسترهرک بو اؤلکه نین غلبهسینده اساس رول اوینادی:
" کئچن ایل باش وئرن و ائرمنیلرین مغلوبیتی ایله باشا چاتان ایکینجی داغلیق
قاراباغ موحاریبهسیندن سونرا تورکیه ایله آذربایجانین زنگهزور دهلیزی واسیطهسی ایله
باغلاناجاغیندان، بو ایکی اؤلکهنین ایراندا یاشایان آذربایجانلیلارا تاثیر ائدهجگیندن،
ائرمنیستانین ایران سرحدلرینده نظارتی ایتیرمهسیندن اندیشهیه دوشن ایران رهبرلیگینین
ائرمنیستانلا موتفیقلیگینی گوجلندیردیگی موشاهیده اولونور.
ایرانین
ائرمنیستان-آذربایجان موناقیشهسیندن ائرمنیلری دستکلهمهسی تکجه تورکیه و آذربایجاندا
دئییل، بعضی شیعه دین خادیملری طرفیندن ده تنقید اولونور. ایران رژیمینین موخالیفلری
اولان بعضی شیعه روحانیلر ایرانین ائرمنیلره دستک وئرمهسینی شیعهلیگه خیانت کیمی
قییمتلندیریرلر".
قایناق: musavat.com