ایرانا زنگهزور دهلیزی ایله باغلی ساده ایضاح: سؤز صاحیبی تهران یوخ، باکیدیر!
ایرانا زنگهزور دهلیزی ایله باغلی ساده ایضاح:
سؤز
صاحیبی تهران یوخ، باکیدیر!
ایران
دؤولتی بؤلگهمیزده یارانمیش یئنی رئاللیقلاری قبول ائتمهمکله ثابیتلیگین علئیهینه
یؤنلمیش یانلیش سیاسی تبلیغاتینا هله ده داوام ائدیر. گؤرونور، بؤلگهدهکی موناقیشهلرین
باشا چاتماسی، ایرتیباطاتین آچیلماسی، بیر سؤزله دینج حیات و صولحون ایناملا برقرار
اولماسی ایرانین ماراقلارینا خیدمت ائتمیر. عکس حالدا هئچ بیر ایستیداللا ایرانین " مهریبان قونشولوق "دان دم ووردوغو موحیطده
بو جور تضادلی فیکیرلر سسلندیرمهسینی و ضید مؤوقئع نوماییش ائتدیرمهسینی اساسلاندیرماق
مومکون دئییل.
ایران
دؤولتی نین ماراقلارینی مودافیعه ائدن مطبوعات
اورقانلاری ایسه بو تضادلی مؤوقعیین نوماییشینده اؤن سیرالاردا دایانیر. ایران مطبوعاتی
عینادلا زنگهزور دهلیزینین یارادیلماسینین علئیهینه چیخیشلاری تیراژلاماغا داوام
ائدیر. بو جور تخریبات کاراکترلی یازیلاردان بیرینده زنگهزور دهلیزینین یارادیلماسی
ایله باغلی هئچ بیر راضیلاشمانین اولمادیغی ایدیعا ائدیلیر. عئینی یازیدا 10 نوامبر
بیاناتینا ایستیناد اولونسا دا، یا ریاکارلیق، یا دا سیاسی ساوادسیزلیق اونون دوزگون
تحلیل اولونماسی نین قارشیسینی آلیر. بئلهلیکله، ایران اطلاعاتی تحریف ائتمکله اؤزو
اوچون تهلوکهنین اولماسی باره ده صونعی تصوّور فورمالاشدیرماغا جهد گؤستریر.
10 نوامبر
بیاناتیندا گؤستریلمیش همین مقاما دیقت ائدک:
" طرفلرین راضیلیغی اساسیندا ناخچیوان موختار جومهوریتی ایله آذربایجانین
غرب رایونلارینی بیرلشدیرن یئنی نقلیات ایرتیباطاتینین اینشاسی تأمین ائدیلهجک
".
بؤلگهده
صولح و اینکیشاف اوچون سعی گؤسترن طرفلر محض بو مادّهیه ایستیناد ائدهرک زنگهزور
دهلیزی کیمی ترقّی یولونون آچیلماسینی طلب ائدیرلر. لاکین ایران بو دهلیزی ائرمنیستان
اراضیسیندن کئچن ترانزیت یوللارینا تهلوکه کیمی قبول ائدیر، بوتون بؤلگه اوچون داها
الوئریشلی موحیطین یارادیلماسی تشبوثلرینه سادهجه ساختا قورخولاری سببیله انگل تؤرتمگه
چالیشیر.
بلکه ده،
ایران دؤولتی ائرمنیستانلا آپاردیغی قانونسوز تیجارت عملیاتلارینین، داشینمالارین
ایفشاسیندان قورخور. چونکی ایستهنیلن حالدا بؤلگهده ایرتیباطاتین آچیلماسی، داها
اوّل مؤوجود اولان یوللارین باغلانماسینا سبب اولا بیلمز. یعنی، ایرانین بونونلا باغلی
قورخولاری تامامیله اساسسیزدیر و گیزلینده یاتان باشقا مطلبلری اؤرت-باسدیر جهدینین
نتیجه سی کیمی قارشیمیزا چیخیر.
قاراباغین
ایشغالی ایللرینده آپاریلان قانونسوز تیجارت، ایرانین آذربایجان اراضیلرینده موختلیف
تصروفات ایشلری آپارماسی، غئیری-لقال یوکداشیمالار و ایشغالچی اوچون نفسلیک رولو
اویناماق تهرانین نوفوذونو سارسان فاکتلار اولاراق قالماقدادیر. لاکین ایران بو گون
الینه دوشن فورصتدن ایستیفاده ائدیب اؤز سهولرینی دوزلتمک، حقیقتاً مهریبان قونشولوق
سیاستی گودمک عوضینه، اؤزو اوچون اویدورما تهدید و تهلوکهلری اورتایا آتماقلا اصل
نیتینی و ایچ اوزونو اورتایا قویور.
ایران
ائرمنیستانلا اولان قانونسوز تیجارتیندن، نارکوتیک واسیطهلرین گیزلی یوللارلا داشینماسیندان
ایمتیناع ائده بیلمیر. بینالخالق تحریملری دا نظره آلساق، ایران اوچون نارکوتیک بیزنسینین
گلیرلی بیر ساحه اولدوغونو سؤیلهیه بیلریک،
آنجاق ایستهنیلن حالدا بؤلگهده ایرهلی سورولن تشبوثلر ایران دؤولتی اوچون ده لقال
یوللارلا داها بؤیوک گلیر و ایمکانلار وعد ائدیر.
بوتون
بونلاردان ایمتیناع و زنگهزور دهلیزینی بؤیوک تشویش فونوندا اینکار ائتمک ایران اوچون
موثبت هئچ نه وعد ائده بیلمز. چونکی بیاناتدا اونسوز دا " طرفلرین راضیلیغی اساسیندا
" ایفاده سی مؤوجوددور. ایران ایسه بو
مسله ده طرف اولاراق ایشتیراک ائتمیر. آذربایجان اؤزونون و بؤلگهده ثابیتلیگین طرفداری
اولان بوتون قووّهلرین ماراغینی تأمین ائدن زنگهزور دهلیزینی آچماق اوچون ایرانین
راضیلیغینا احتیاج دویمور. بو مسلهده ایرانین مؤوقعیینین اؤیرهنیلمهسی تشبوثلری
بئله، رسمی باکینین جنوب قونشوسونا ائتدیگی ژستدن باشقا بیر شئی دئییل.
بو گون
ایسه ایران طرفی اؤزونو ارکؤیون و شیلتاق اوشاق کیمی آپارماغا داوام ائدیر. ایران وار
گوجو ایله های-شیون قوپاردیغی ایستهنیلن مسله ده حاقلی اولدوغونو دوشونسه ده، رئاللیق
اورتادادیر. آذربایجان دؤولتی نین یاراتدیغی یئنی رئاللیقلار وار و بورادا اساس سؤز
صاحیبی ده محض رسمی باکیدیر.
ایران
سادهجه یئنی یارانمیش رئاللیق و ایمکانلاردان ایستیفاده ائدهرک، بوتون بؤلگه
ایله بیرگه اینکیشافا کؤکلنمکله بو یانلیش یولدان گئری قاییدا بیلر. زنگهزور دهلیزینی
اینکار ائتمگه چالیشارکن بئله 10 نوامبر بیاناتینداکی یارادیلاجاق دهلیزین حوقوقی اساسینی
تشکیل ائدن بنده ایستیناد ائدهجک قدر ساغلام دوشونجه و سیاسی سریشتهدن اوزاق، سیاسی
ساوادی اطلاعاتی دوزگون قبول و شرح ائتمگه ایمکان وئرمهین مطبوعاتا صاحیب ایران بو
مینواللا اونسوزدا تجرید اولوندوغو دونیادا داها آغیر سیناقلارلا اوزلشه بیلر.
سوندا
ایراندا پروسهلری شرح ائدنلرین و مؤوقع بیلدیرنلرین پوتنسیالینی اورتایا قویدوغوموز
و ایمکانلارینی گؤردوگوموز اوچون ساده دیلله هر شئیین ایجمالینی تقدیم و ایضاح ائدک:
زنگهزور
دهلیزی نین حوقوقی اساسینی 10 نوامبر بیاناتیندا ایران طرفینین یانلیش تفسیر ائتدیگی
مادّه تشکیل ائدیر. ایران بو دهلیزین یارادیلماسی پروسهینده سؤز صاحیبی دئییل. آذربایجان
دؤولتینین اؤز ماراقلارینی تأمین ائتمک، بؤلگهده صولح و تهلوکهسیزلیک نامینه آددیملار
آتماسی اوچون ایرانین فیکرینه و ایجازهسینه احتیاجی یوخدور. ایران سادهجه مهریبان
قونشو کیمی بو ایشه جان آتمالی، جاهطلبلیکلرینی بیر کنارا قویوب یئنی رئاللیقلاری
قبول ائتمهلیدیر…
اورخان
تاغییئف
قایناق: oxu.az